E premte, 18 korrik 2008, Tina S. Kajdanov u betua si Ambasadore për Kosovën nga Sekretarja e Shtetit, Kondoliza Rajs në dhomën Benxhamin Frenklin të Departamentit të Shtetit

Presidenti Bush do të takohet me Presidentin Fatmir Sejdiu dhe me Kryeministrin Hashim Thaçin nga Republika e Kosovës

Presidenti do të takohet në Shtëpinë e Bardhë me Presidentin Fatmir Sejdiun dhe Kryeministrin Hashim Thaçin nga Republika e Kosovës më 21 korrik 2008.  Presidenti i gëzohet takimit me Presidentin Sejdiu dhe me Kryeministrin Thaçi gjatë vizitës së tyre të parë në Shtetet e Bashkuara si udhëheqës të Kosovës së pavarur.  Vizita do të ofrojë një rast ku Presidenti do të diskutojë me Presidentin Sejdiu dhe me Kryeministrin Thaçi lidhur me përkrahjen e tij të fuqishme për përpjekjet që Qeveria e Kosovës i bën për të ndërtuar një shtet demokratik, të suksesshëm dhe multietnik që i shërben të gjithë qytetarëve të Kosovës.

Këndet Amerikane në Prishtinë dhe në Prizren të premtën më 4 korrik kanë organizuar kremtimin e kësaj feste.  Të dy Këndet kanë grupe shumë active të vullnetarëve (kryesisht studentë) të cilët kanë organizuar këtë ngjarje.  Festimi në Prishtinë përfshiu një fjalim të shkurtër nga profesori i Fulbrajtit i cili është këtu në vizitë, Ralf Cintron i cili foli për çështjet kryesore të cilat kanë shpier deri te shpallja e pavarësisë së Shteteve të Bashkuara të Amerikës. Gjithashtu janë organizuar edhe kuize lidhur me historinë e  SHBA-ve dhe lojëra për shpërblime siç janë harta e SHBA-ve dhe kopjet e Shpalljes së Pavarësisë dhe Kushtetuta e SHBA-ve. Të dy kremtimet kanë qenë të përcjellura me vizitorë dhe me mediat lokale. Ambasada Amerikane i përkrahë të tri këndet amerikane – në Prishtinë, Prizren dhe në Mitrovicën e Veriut.