AMBASADORJA

Biografi

Ambasadorja Tina S. Kaidanow

TINA S. KAIDANOW

Më 18 korrik 2008, Tina S. Kaidanow është betuar si Ambasadore e SH.B.A-ve për Republikën e Kosovës.  Para kësaj, Znj. Kaidanow ishte Shefe e Misionit dhe e Ngarkuar me Punë në Zyren Amerikane në Prishtinë (që më vonë u bë ambasadë) që nga korriku 2006 deri në korrik 2008.

Znj. Kaidanow arriti në Kosovë nga Sarajeva, ku ishte Zëvendës Shefe e Misionit në Amabasadën e SHBA-ve gjatë tri viteve paraprake. Para kësaj ajo ishte Asistente e Posaçme për Çështje Evropiane e Zëvendës Sekretarit të Shtetit Richard Armitage.

Si anëtare profesionale e shërbimit diplomatik të SHBA-ve, Kaidanow ka shërbyer në rajon një kohë të gjatë: si Ndihmëse Speciale e Ambasadorit të SHBA-ve Christopher Hill në Shkup, gjatë viteve 1998-1999, me përgjegjësi të veçanta të përqëndruara në krizën në Kosovë; dhe e caktuar me detyrë në Sarajevë (1997-1998) dhe Beograd. Ajo poashtu ka qenë edhe Drejtoreshë për Çështje të Evropës Juglindore në Këshillin për Siguri Kombëtare.

Znj. Kaidanow ka diplomuar dhe magjistruar në Universitetin e Pensilvanisë si dhe është magjistër i filozofisë në Shkencat Politike në Universitetin Kolumbia në Nju Jork.