Vizat joimigruese

Kriteret për fotografi për vizë

Qeveria e Shteteve të Bashkuara ka kritere të ashpra për fotografitë që duhet të dorëzohen bashkë me kërkesën për vizë joimigruese. Fotografitë që nuk i përmbushin kriteret në vijim nuk mund të pranohen.

Kriteret

Secili paraqitës i kërkesës për vizë duhet ta dorëzojë një fotografi në të cilën është fotografuar gjatë gjashtë muajve të fundit dhe me detajet në vijim:

• Fotografi e fytyrës së plotë me kokë në mes të kornizës (fotografi e “fytyrës së plotë” është fotografia në të cilën paraqitësi i kërkesës e ka kokën të kthyer në drejtim të fotoaparatit, me sy që shikojnë drejt në fotoaparat).
  
• Fytyra duhet të mbulojë rreth 50% të sipërfaqes së fotografisë.
  
• Koka e paraqitësit të kërkesës duhet të shihet nga maja e kokës deri në fund të mjekrës, lart dhe poshtë, dhe nga vija e flokëve anë më anë. Veshët duhet të jenë të zbuluar. Koka (e matur nga maja e flokëve deri në fund të mjekrës) duhet të jetë ndërmjet 1 inçi dhe 1 e 3/8” (25mm deri në 35mm) me nivel të syve ndërmjet 1 e 1/8” deri në 1 e 3/8” (28mm dhe 35mm) nga fundi i fotografisë.
  
• Fotografitë mund të jenë me ngjyra apo bardh e zi, dhe duhet të jenë të fotografuara në sfond të bardhë.
  
• Pa mbulesa të kokës (kapela, shami, etj.), përveç për qëllime fetare.
  
• Pa syza të diellit.
  
• Fotografitë duhet të shtypen pa kornizë.